قصيدة للشاعر عثمان بن ناصر آل عبدالكريم ١٤٣٢

ياطير غرد وارزمي ياسحابه=ياحرف زخرف لي من الشعر قيفان

مادام اللي حضر خير لابه =حرام ماتزعج عذيات الالحان

اهلا هلا واهلين بأغلا قرابه=قومي لاجا للتشاريف ميدان

يامرحبا اهل النفوس المهابه=ترحيبت فالشعر مامثلها كان

آل محمد للمعادي حرابه=ساس الوفا والطيب ذربين الأيمان

حصن القصر يوم الليالي نهابه=أهل الكرم من ماضي الازمان

في دارهم تلقى السعد والطرابه=قمة كرمهم يوم وجه الدهر شان

قوم(ن) مجالسهم زهت بالرحابه=للضيف ريف وللضعيفين مزبان

تاريخ ثابت بالقصص والكتابه=عرقٍ متين ورث جذوع وغصان

كل(ن) عجز لوصافهم مايجابه=مجد مخلد للشيم صار عنوان

لعل تسقى يااجتماع الذيابه =من مزنةٍ غرّا وهج برقها بان

ويسقى احتفالٍ والجميع اللتقابه=وجعل الفرح يزداد من غير نقصان

وصلو على سيد الرسل والصحابه=خير الخلايق صفوة اولاد عدنان